O Concello de Boiro, coa colaboración do alumnado do Obradoiro de Emprego en xestión forestal, organiza a I Feira Agroforestal que terá lugar o vindeiro venres 12 e sábado 13 de maio no Pazo de Goiáns. Os obxectivos desta proposta son promover o traballo realizado polo alumnado na contorna do Pazo, promover o comercio local e poñer en contacto a distintos sectores vinculados co eido forestal. Durante as dúas xornadas haberá en Goiáns exposición de maquinaria, presentacións de novidades de marcas comerciais, un simulador forestal, postos con información sobre Obradoiros de Emprego ou ciclos formativos no eido forestal, actividades culturais para a rapazada, talleres e outras actividades. PROGRAMA Venres 12 de maio 9.00 a 15.00h - exhibición de poda en altura 9.30 a 10.30h - obradoiro de cultivo de seta shiitake 10.30 a 11.30h - demostración de extración da resina 12.00 a 13.00h - taller de apicultura 17.00 a 18.30h - percorrido guiado pola finca do Pazo 19.00 a 20.15h - Información e debate: O CO2 como novo activo forestal. Certificacións forestais" Sábado 13 de maio 10.30 a 11.30h - taller de poda 12.00 a 13.00h - taller de apicultura 16.30 a 17.45h - percorrido guiado pola finca do Pazo 18.00 a 19.00h - demostración de extración de resina 19.00 a 20.15h - mesa redonda: posibles aproveitamentos forestais para CMVMC
VIRAL utiliza ricas galletitas (cookies), si sigues navegando aceptas su uso. Saber más.Aceptar