XVI Limpeza Simultánea de Ríos. Proxecto Ríos.

Móllate polos ríos.

 Despois do éxito das xornadas de limpeza simultánea organizadas ao longo dos anos, este 2023 ADEGA Lugo, Coidemos Lugo e a UNED únense de novo para levar a cabo a XVI Limpeza Simultánea de Ríos. Trátase dunha actividade de voluntariado ambiental que terá lugar o domingo 24 de setembro na zona do río Miño situada ao carón da UNED. Durante a xornada, dunha duración de 3 horas, limparemos os residuos atopados na zona contribuíndo á súa conservación. 

Grazas á colaboración de 63 entidades, o pasado ano estimamos que se retiraron máis de 8 Tn. de lixo de orixe diverso e participaron un total de 955 voluntarias/os de 41 concellos en toda Galicia. 

O máis importante é que ano tras ano conseguimos concienciar un pouco máis á sociedade da necesidade de manter limpos os nosos ríos de residuos como premisa para a conservación da súa saúde.

Este ano queremos contar coa vosa axuda para levar a cabo a XVI Limpeza Simultánea de Ríos. Como en anos anteriores, o Proxecto Ríos editará os materiais divulgativos para o desenvolvemento da actividade e outros materiais.

Fuente: https://extension.uned.es/actividad/idactividad/33037