Pelepau: Na Beira

Pelepau nace na cidade olívica no ano 2010 e está formado por 11 percusionistas, todos eles mestres en escolas e agrupacións de música e danza tradicional galega e de recoñecida traxectoria no panorama musical galego. É un conxunto musical, orixinal do suroeste de Galiza, que ten como obxetivo adaptar as cantigas tradicionais e populares desta terra con voces e percusións varias. A súa proposta intenta transmitir e conservar a cultura galega mediante un espectáculo interactivo, cunha posta en escena dinámica e en constante interacción co público, sendo ao mesmo tempo, un espectáculo versátil e diverso, xa que pode ofrecer tanto actuacións de escenario, pasarúas como obradoiros de percusión.

Os instrumentos de percusión empregados por Pelepau nos seus concertos son, na súa gran maioría, tradicionais galegos, destacando os que antano eran utensilios da vida cotián como as culleres, tixolas, botellas de anís, morteros, etc, para deste xeito, recuperar e potenciar a riqueza da instrumentación galega.

Tras o éxito do seu primeiro traballo, "Fío e Agulla", chegan cinco anos despois con "Na Beira", nacido do paralelismo entre a diferenza de culturas coa que convivimos e o mesmo mar que nos viu crecer e nos mantivo sempre nun espírito libre, nace "Na Beira". Plasmando a diversidade das augas coma se de innumerables influencias se tratasen, das que sen querer se apegaron á nosa linguaxe musical e, como tal, aos nosos temas.