Buscando el Norte

Cristina Brea Lodeiro é ben coñecida no escenario fotográfico galego, ben sexa pola súa participación como axitadora cultural en colectivos como FVCK ou Colectivo Latente. Ben sexa pola súa participación no colectivo de creación fotográfica Ao Norte. Compartiu o seu traballo en numerosos eventos dentro da nosa comunidade e tamén nola atopamos por aquí e por alá en todo o que se fai de interese en relación coa plástica e a fotografía nestas terras, sempre disposta a compartir puntos de vista e obxectos de interese neste abigarrado universo da fotografía contemporánea.