Museo Fortaleza de San Paio de Narla
Museo Etnográfico San Paio de Narla Torre de Xiá - Friol Ver web
Museo Fortaleza San Paio de Narla | Programa de actividades de verán 2022 Os museos da Rede Museística foron recibindo numerosas doazóns ao longo de todos estes anos. De feito, a colección de etnografía que pode verse no Museo Fortaleza San Paio de Narla está conformada na súa inmensa maioría por doazóns que desinteresadamente fixeron persoas que viaxaron arredor do mundo. Isto supón que a día de hoxe atopemos pezas procedentes de numerosos países. Aproveitando este contexto multicultural deseñamos un atractivo programa de verán grazas ao cal descubriremos diferentes tradicións e costumes. Viaxaremos polo mundo compartindo e aprendendo entre todxs. Cada día estará dedicado a unha zona concreta para coñecer así as distintas comidas, linguas, músicas, bailes e roupaxes que podemos atopar nos diferentes continentes a través de obradoiros específicos. Comprobaremos de primeira man como a diversidade é unha gran fonte de riqueza. ASIA Descrición: dentro da cultura oriental centrarémonos en Filipinas e Xapón. Data: 12 de xullo. Hora: de 16h a 19 h. Idades: Todas as idades. AMÉRICA (1ª PARTE) Descrición: coñeceremos en profundidade México, Arxentina e Venezuela, países vinculados coa Galicia migrante. Data: 13 de xullo. Hora: de 16h a 19 h. Idades: Todas as idades. EUROPA Descrición: Alemaña e Francia serán os protagonistas desta xornada. Data: 14 de xullo. Hora: de 16h a 19 h. Idades: Todas as idades. GALICIA Descrición :para apreciar as outras culturas primeiro hai que comprender e amar a nosa propia. Aproveitando a proximidade co Día de Galicia dedicamos esta xornada á nosa terra. Data: 15 de xullo. Hora :de 16h a 19 h. Idades: Todas as idades. ÁFRICA Descrición : África é un continente rico en costumes e tradicións, pero tamén un dos máis descoñecidos. Centrarémonos en Marrocos e nalgún outro país do centro vinculado ás pezas que podemos atopar nos museos da Rede . Data: 16 de agosto. Hora: de 16h a 19 h. Idades: Todas as idades. AMÉRICA (2ª PARTE) Descrición: coñeceremos en profundidade Cuba e As Antillas, pola súa proximidade con Galicia grazas á tradición migrante. Data: 17 de agosto. Hora: de 16h a 19 h. Idades: Todas as idades. DECORACIÓN Aproveitaremos esta xornada para deseñar e elaborar a decoración da festa final. Data: 18 de agosto Hora: de 16h a 19 h. Idades: Todas as idades. FESTA MUTICULTURAL Celebraremos a diversidade e mostraremos todo o realizado nas xornadas anteriores para que todas aquelas persoas que queiran achegarse poidan aprender tamén sobre as outras culturas. Data: 19 de agosto. Hora: de 16h a 19 h. (RE) CONEXIÓN Deixando de lado os obradoiros máis técnicos e usando así as xornadas para levar a cabo a gravación audiovisual, sendo esta a escusa para a reconexión interxeracional, que é o propósito esencial deste proxecto. Co material gravado, 6-8 historias de bibliotecas vivas ao longo da provincia, montaríase unha peza final de 12-15 minutos que sería o que se proxectaría nalgunha estancia da Rede Museística. Datas: 26 e 27 de xullo. Horario: 16:00 a 20:00 Idades: 8 a 12 anos. Prazas: 6 AMADRIÑANDO Á REDE: o compromiso de nacer cun museo baixo do brazo Datas: a partir do 1 de agosto PROGRAMA ONDE NACEN ÁS HISTORIAS. Trátase dunha programación multiartistica para a infancia e a adolescencia, composta por 5 xornadas con múltiples obradoiros de diferentes disciplinas artísticas e artistas locais, integrando todas as artes dun xeito tranversal cunha perspectiva feminista, multicultural, LGTB+ e inclusiva. Historia en imaxes Imaxinación á mesa O legado das palabra Redes de escritura A maxia das raíces Teatro para todes Un fogar para todes Lendas da Terra Datas: do 9 ao 13 de agosto. Prazas: 20. _______________________ Inscricións: comunidadermpl@gmail.com +INFO https://comunidadermpl.es/ Museo Fortaleza San Paio de Narla. Narla (Friol). Tfno.: 982 375 156 / sanpaiodenarla@museolugo.orgXerencia Rede Museística. Tfno.: 699 836 883 / xerencia-redemuseos@deputacionlugo.org / comunidadermpl@gmail.com
Museo Etnográfico San Paio de Narla Torre de Xiá - Friol Ver web
VIRAL utiliza ricas galletitas (cookies), si sigues navegando aceptas su uso. Saber más.Aceptar