Muiñada

Sabela e Xacobe atópanse nun muíño de auga por un malentendido coas quendas. Ao ver que os dous non poden moer ao mesmo tempo comeza unha discusión na que o xogo, as lendas, a tradición e a música farán que as pequenas e pequenos, e os que non o son tanto se acheguen a un edificio que foi fundamental para a historia de Galicia. Muiñada é unha viaxe ao pasado para as nenas/vos de hoxe que serve para coñecer de onde vimos e para non deixar morrer a memoria das nosas avoas e avós. Múiñada é tradición, é festa, é música e, sobre todo, teatro para toda a familia. Recomendado a partir de 3 anos Lugar: na escalinata do Pazo provincial da Deputación en Pontevedra. Poderase gozar do espectáculo de maneira presencial e por streaming. Se por motivos climatolóxicos non se puidese realizar no exterior trasladarase ao interior do Pazo provincial, no salón de plenos.