As que mais molan da gramola

CHEGA A FESTA DA GRAMOLA GOMINOLA CO SEU NOVO ESPECTÁCULO “AS QUE MÁIS MOLAN DA GRAMOLA!”

A Gramola Gominola é unha banda de auténtico Rock&Roll en galego para público cativo. Eles son Paco Cerdeira (Pakolas, Zënzar), Paula Romero (De Vacas, banda de Guadi Galego, Coro Encaixe), Anxelo de Xermar (Festicultores Troupe) e Rodrigo Muñoz (S4N7, Nebra, Wealman). O grupo naceu no ano 2015 e dende entón deron centos de concertos poñendo ao público en pé cos cornos en man! Poderemos gozar da selección das mellores cancións rockeiras da súa carreira, celebrar con cada baile, rir co seu humor e corear os seus retrousos máis coñecidos: “He ho let’s go”, “Carmela, non hai coma ela!”, “Campión internacional” e escoitar outros temas como “A Lebre Chouteira”, “A avoa Fina” ou “Un ollo de vidro”.

GORXAS, CORNOS e CRISTAS PREPARADAS!