III Terra Creative Jam

O Campus Terra da USC e a Área de Valorización, Transferencia e Emprendemento (AVTE) da USC organizan xunto coa incubadora Lug Open Factory a III Terra Creative Jam os días 18 e 19 de novembro na residencia universitaria Jesús Bal y Gay da sede universitaria luguesa.

A III Terra Creative Jam antóllase como unha convocatoria axeitada para que estudantes
e titulados da sede universitaria luguesa e tamén dos campus de Compostela poidan
participar en diversos talleres nos que deberán resolver desafíos sociais, ambientais e
tecnolóxicos, ao tempo que acheguen novas solucións para “reinventar o rural”.

A asistencia a esta actividade é totalmente gratuíta para todas as persoas interesadas. O
prazo de inscrición permanece aberto en liña ata as 14.00 horas do 17 de novembro.

As prazas son limitadas e a organización facilitará ás persoas asistentes transporte,
aloxamento e mantenza durante os dous días que dura a Terra Creative Jam.

Pódese obter máis información a través do enderezo de correo electrónico
benvida@lugofactory.com ou no número de teléfono móbil 620 789 835.

Web oficial

Fuente: https://vivalugo.es/evento/iii-terra-creative-jam/