HORARIO E PREZOS 2024 | Piscinas exteriores de Frigsa A área de Deportes do Concello de Lugo abrirá o vindeiro luns, 1 de xullo, as piscinas exteriores de Frigsa, que inician así a súa tempada de verán, que se prolongará ata o 31 de agosto. Ao igual que anos anteriores, as instalacións municipais terán horario continuado de 12.00 a 20.30 horas entre semana, mentres que os sábados e domingos pecharán media hora antes. O acceso para nenas e nenos de ata 15 anos cumpridos terá un prezo de 1€, mentres que a entrada dos adultos é de 2,20€. No caso dos abonos individuais para 15 baños, o prezo para menores ascende a 10.80€, e a 22,30€ para adultos. Ademais, o Goberno local porá a disposición dos usuarios abonos para familias e para pensionistas a prezos aínda máis reducidos.
VIRAL utiliza ricas galletitas (cookies), si sigues navegando aceptas su uso. Saber más.Aceptar