“HERDANZA ENVELENADA é un proxecto fotográfico que pretende facernos reflexionar sobre a cantidade de residuos plásticos que xeramos. A idea xurde en pleno confinamento, onde o tempo parece deterse. Pero non é ata tempo despois cando me paro a observar e tomo conciencia da cantidade de envases que consumimos diariamente, envases na súa meirande parte descartables, de usar e tirar (latas, yogures, botellas, pallas, bolsas, tapones, etc.). En lugar de botalos ao contenedor destinado a tal fin decido acumulalos, non son necesarios demasiados días, en pouco tempo aquelo vólvese moi incómodo física e mentalmente, levándome a cuestionar a efectividade das nosas visitas ao contenedor. Sinto culpa e necesito resarcirme. O proxecto convértese no meu intento de transformar o insoportable en algo fermoso. As imaxes dos mares e océanos cheos de lixo, adquiren un novo significado; a culpa é colectiva e todos somos responsábeis. É un chamamento á acción, a reflexionar sobre o impacto ambiental e buscar un futuro libre de plásticos. A día de hoxe seguen moi presentes nas nosas vidas, o cal supón unha verdadeira ameaza para o medio ambiente e polo tanto para o noso planeta. A redución do seu consumo é posible a través da concienciación do problema, tratando de manter un estilo de vida máis sostible. Iso pasa, entre outras cousas, por dar un paso atrás, mirando ao pasado e recuperando envases reutilizables tradicionais. Un paso atrás, para que os nosos fillos poidan dar pasos cara adiante camiñando cara un futuro no que o noso planeta goce de boa saúde. É unha cuestión de xustiza interxeracional, unha débeda pendente, non merecen esa herdanza envelenada.” María Cabaleiro https://mariafcabaleiro.art.blog Do 1 de xuño ao 27 de xullo Bloque de mulleres – 1ª planta
VIRAL utiliza ricas galletitas (cookies), si sigues navegando aceptas su uso. Saber más.Aceptar
