Running Teatro en As Neves

RUNNING!!!! 🏃🏃‍♀️NAS NEVES
Sábado 2 de Novembro, no Auditorio Municipal de As Neves, ven a disfrutar da nosa suorenta comedia "RUNNING"

Datos do evento:
Sábado 2 de Novembro ás 20: 00 horas no Auditorio Municipal de As Neves.
Entrada gratuita con aforo limitado. Recomendado para público de máis de 12 anos.
➥ Evento organizado polo Concello de As Neves coa colaboración da Deputación de Pontevedra dentro do programa cultural +Escénicas.

# SINOPSE:
Xulia e Román acaban de coñecerse e o primeiro WhatsApp non tarda en chegar: “¿Quedamos? Veña, ¡si! ¿Pero cando?”

Fillas e fillos de parellas anteriores. Nais divorciadas. Avós na residencia. Adolescentes co pavo. O pequeno coa crise dos 8. Os grandes coa dos 40, coa dos 50, coa dos 60. Clases de ioga para liberar o estrés, patinaxe artístico os luns, danza jazz os martes. E ser taxista. Das fillas, dos fillos, das fillas dos demais, do pai, da nai, da avoa, dos primos. E os deberes. Os deberes da escola e o resto de deberes. Deberes e obrigas. Coidar de todo e de todos menos dun mesmo.

¿Como facer que as axendas cadren? E por outra banda: ¿de verdade quero comezar algo novo que poida supoñer máis deberes e menos pensar nun mesmo?

Romeo e Xulieta tiñan as familias na contra dun amor prohibido.
Xulia e Román aínda non saben se tanto se queren, pois as súas familias, as súas vidas, e os seus propios medos impiden brindar con esa primeira cervexa que podería facer nacer ou morrer o amor eterno.