Bon Calso

O proxecto de Bon Calso empezou en 2018, nove anos despois de iniciarse coa música. 

Desde entón, o artista, sacou traballos como: Anxo caído (2018) ou Feelings Matter (2019), que lle levaron a facer o seu primeiro concerto e sold out na Sala Goya Social Club de Madrid. A partir de aquí todo se acelerou: máis material, preparación dunha xira por España e a consagrada Sala Joy Eslava esperaban ao artista. Desgraciadamente, debido á pandemia, houbo que cancelar todo o planeado.

O confinamento provocoulle reformularse toda a súa carreira, xa que estaba a pasar por un mal momento persoal aínda que, afortunadamente, o artista seguiu facendo música, reunindo referencias e material e incrementando a súa fanbase.