Loro Facu 2022: Cuchillo de Fuego

Coitelo de Lume móvense en parámetros musicais próximos ao hardcore en canto ao seu rabiosa base guitarrera de alento punk e textura noise/post-hardcore (leáse Melvins, Jesus Lizard). No caso do cuarteto pontevedrés a súa proposta condénsase en temas de menor duración, afiados, duros e densos como o sílex e envoltos nunhas letras incendiarias, lúcidas e tamén divertidísimas, escritas sobre papel de lixa.

Déronse a coñecer en 2014 á calor dese auténtico templo do underground galego que é o Liceo Mutante co LP Triplo España, editado baixo o seu propio selo Amawisca, para situarse desde o primeiro instante no máis alto do panorama punk nacional, paradigmáticamente definido por facer o que a un dálle a santa gana e cos medios ao seu alcance. En 2017 publicaron o seu segundo longo Megavedra, gloriosa celebración de todas as virtudes que fan grande e única á banda, e coroado polo alucinante (en todos os sentidos) vídeo de Nocturno. O vídeo, dirixido por Isaac Godfrey (cineasta ugandés ligado a WakaliWood, unha especie de Hollywood local xerador incansable de films de acción absolutamente demenciais e adictivos) presenta unha translación da vida cotiá do propios Coitelo (cafetería incluída) aos suburbios de Kampala.