Solpor Monteferro: Wonder Covers, Hash Tag Band, Isius

ISIUS

Unha combinación de power-pop e americana entre potentes hitazos e cancións cheas de sentimento onde as guitarras son as protagonistas. ISIUS desenvolveu un son tan familiar e próximo que parece feito noutras latitudes en lugar de en Vigo. O grupo composto por Carlos, Edu, Roberto, José e Alberto asinan oito cancións cargadas de alegría, moita forza e potencia tanto no uso das guitarras como na sensibilidade dos seus momentos máis íntimos. A sensación de Little Bighorn é a de atemporalidade.
	Gravado nos estudos de Paco Loco, este terceiro LP é un disco directo e menos acústico que os seus dous traballos anteriores, Songs From Everywhere (2019) e Fox & amp; Castle (2020). Do mesmo xeito que se define como moito máis eléctrico e power-pop.

HASH TAG BAND

Banda formada por músicos recoñecidos da escea local viguesa coma Cholo Alboroto, Pichy Baldomar, Jorge Bombeiro, Saras, Kely García e lierada pola cantante Nuria Cora.
	Farán as delicias dos asistentes con versións coidadas dos mellores temas blues, rock e soul de tódolos tempos, desde os 60’ s ata hoxe, no seu repertorio inclúen cancións de The Pretenders, Tina Turner, Bonnie Raitt, Ricky Le Jones, Etta James, Carole King-Amy Winehouse, Blondie, Lenny Kravitz, Led Zeppelin, Shocking Blue, Alanis Morrisette entre outros.

WONDERCOVERS

O power trío que ofrece clásicos do mellor Rock de todas as épocas e unha posta en escena que non deixa indiferente a ninguén. Formado por músicos da escena galega desde o verán de 2011, Wondercovers fai homenaxe aos grupos pioneiros dos 60´ s, 70´ s, 80´s e 90´s desde un punto de vista respectuoso e persoal. Virando cumpridamente por España e Portugal, Wondercovers veñen de ter un nome dentro do panorama nacional tras máis de 900 concertos nestes 10 anos de vida. Sendo unha das bandas de versións máis coñecidas de Galicia, con Wondercovers a festa está asegurada.
	O grupo ofrece un concerto dinámico e entretido, entregando ao público a enerxía que o xénero esixe, xogando cun cancioneiro variado e recoñecible para captar a atención e persuadir ao oínte. No repertorio habitual de Wondercovers atópanse temas de: Pink Floyd, Led Zeppelin, The Beatles, Stevie Wonder, The Doors, Jimi Hendrix, The Rolling Stones, R.E. M, Blur, Gary Moore, Bob Dylan, Free, The Cure, Oasis, Red Hot Chili Peppers e David Bowie entre outros.