Memorias dunha Rapasa da Costa

Marta Doviro criouse na Costa da Morte. En “Memorias dunha rapasa da costa” Marta fala do seu periplo polas distintas vilas do lugar nas que viviu durante gran parte da súa infancia ata hoxe. Retrata en clave de comedia, o carácter carismático das súas xentes, experiencias, vivencias e ata historias reais de piratas. Ademáis, como cinéfila empedernida que é, obsequia ao público cun divertido paralelismo entre a nosa realidade (a realidade galega) e a realidade “hollywoodiense” (a que vemos nas películas). Como broche de ouro, o espectáculo remata cunha actuación musical onde Marta deleita ao público cun tema de creación propia ao más puro estilo “rap galaico”.