O Vello Cárcere de Lugo (@vellocarcere), acolle ata o 6 de setembro unha segunda residencia este 2024, co proxecto ‘Hydra’ do creador uruguayo afincado en Lisboa Lucas Damiani (@lucasxdamiani). Nesta residencia de investigación que inicia hoxe procurará un encontro íntimo con materias en estado de transformación; unha paisaxe líquida de corpos e sonidos para reflexionar a redor da natureza sempre complexa e mutable das relacións, nunha reivindicación do fracaso, propoñendo mitoloxías antiheróicas con algunha dose de humor drag. O venres 6 de setembro ás 20.00h no Vello Cárcere de Lugo poderase ver unha mostra aberta do proceso realizado.
VIRAL utiliza ricas galletitas (cookies), si sigues navegando aceptas su uso. Saber más.Aceptar