A Panadeira

Nun mundo distópico onde a tecnoloxía tomou o control e a maxia da comida caseira perdeuse, coñecemos a Clara, a última panadeira tradicional. O seu pan artesanal é o último vestixio de autenticidade nun mundo de alimentos procesados. Os nenos da aldea, intrigados pola súa misteriosa receita ancestral, axudaranlle a preservala dos plans dunha corporación que busca monopolizar a industria alimentaria. Xuntos, loitan por manter viva a tradición do pan caseiro e descobren que a verdadeira maxia está na conexión entre as persoas e a comida feita con amor. "A panadeira" é un emocionante espectáculo familiar que combina aventura, humor e leccións sobre a importancia da tradición e a comunidade.

A obra parte da fusión de elementos da socioloxía urbana, a danza contemporánea e a estética do século XXI para crear unha experiencia única nunha panadería transformada en escenario.

O movemento escénico inspírase no movemento de Bourgeois producido polo espazo arquitectónico, utilizando a panadería de maneira dinámica, integrando movementos fluídos e expresivos que reflexan a enerxía e vitalidade da infancia. A protagonista interactúa coa contorna, salta e deslízase sobre os volumes creando composicións visuais que evocan o proceso de elaboración do pan.

Ofrécese unha experiencia teatral interactiva e multisensorial que estimula a imaxinación e a exploración creativa dos nenos e nenas, mentres reflexiona sobre o papel de espazos semipúblicos en construción da identidade e o desenvolvemento humano no século XXI.

O aroma tentador do pan fresco, os sons de amasar e cocer, e a visualización da arte culinaria en acción espertan os sentidos e mergullan a o espectador nunha experiencia envolvente e memorable.
	Situar un espectáculo nunha panadería vai moito máis alá da conveniencia estética ou narrativa. É unha decisión profundamente simbólica que evoca unha serie de significados culturais, sociais e emocionais, enriquecendo así a experiencia teatral e permitindo unha reflexión máis profunda sobre a condición humana e a sociedade na que vivimos.