Gala dos Premios Mestra e Mestre da Memoria 2024

Gala dos Premios Mestra e Mestre da Memoria 2024

A Sección de Literatura de Tradición Oral da AELG, previa deliberación do Grupo de Traballo composto por Ana Acuña, Félix Castro Vicente, Carme Pernas Bermúdez, Calros Solla, Xurxo Souto, Xosé Manuel Varela, Lois Pérez e Antonio Reigosa, propuxo ao Consello Directivo da Asociación de Escritoras e Escritores en Lingua Galega recoñecer como Mestra e Mestre da Memoria 2024 respectivamente a Camiño Noia Campos e Henrique Peón, polas súas achegas á mesma ao longo das súas vidas, contribuíndo así a manter viva unha parte fundamental da nosa memoria colectiva e o saber popular.

As distincións entregaranse no marco da IX Gala dos Premios Mestras e Mestres da Memoria, a celebrar en Lugo, co apoio do Concello de Lugo, que terá lugar o 18 de outubro, no Centro Cultural Vello Cárcere (Praza da Constitución, s/n) a partir das 18:00 horas, con entrada libre até completar capacidade.

No acto, conducido por Eva Teixeiro, participarán Cesáreo Sánchez Iglesias, presidente da AELG, Antonio Reigosa, quen lerá a laudatio de Camiño Noia Campos, e Pilar García Negro, quen lerá a laudatio de Henrique Peón Mosteiro.

Acompañamento musical de Su Garrido Pombo e coa intervención de Celso Fernández Sanmartín.

+INFO
https://www.aelg.gal/actividades/gala-dos-premios-mestras-e-mestres-da-memoria/2024/10/18/gala-dos-premios-mestra-e-mestre-da-memoria-2024?fbclid=IwY2xjawF-L2ZleHRuA2FlbQIxMAABHcIfUyJ5epiJqtf42a1KGJZxW23uTcoMmqG9-7sbGN4JNS63B26NjYum9g_aem_J7JkA_TiW_ZDbpByIHeiQg