«O 30 de novembro ás 19.30h , emprazámosvos a recoller en Leira os pensamentos, conversacións e temas que esta cápsula xerase. Unha escusa, como calquera outra, para seguir introducíndonos nos temas do ciclo “*É a fin ao fin, é a fin ao final”.
«O círculo lítico» é un club de lecturas organizado en base a diferentes capsulas.
Unha actividade cunha periodicidade mensual que convida a reunirse en Leira para conversar ao redor dunha selección de materiais de diversa natureza, cada reunión detonada en base ao lanzamento dunha cápsula.
Libros, videoxogos, obras audiovisuais… serán a base sobre a que reunirse a conversar, debater e especular mes a mes.
As cápsulas liberaranse cunha antelación suficiente como para que as persoas que queiran asistir, ou aquelas que queiran seguilas en remoto, poidan acceder aos contidos.
O círculo lítico será gratuíto e terá unha periodicidade mensual. Cada persoa é libre de participar nunha, varias ou todas as sesións do club.»
Fuente: https://vivalugo.es/evento/circulo-litico-club-de-lecturas/
VIRAL utiliza ricas galletitas (cookies), si sigues navegando aceptas su uso. Saber más.Aceptar