Run Baby Run

Escrita por Fátima Delgado e dirixida por Jana Pacheco, “Run baby run” está inspirada nos casos dalgunhas atletas que sufriron discriminación de xénero dentro do deporte por ter unhas condicións biolóxicas diferentes para o estándar feminino. Unha reflexión sobre canto se pode chegar a loitar por cumprir o teu soño estando en xogo o traizoar os teus propios principios e renunciar ao teu verdadeiro ser.

SINOPSE: Alba é unha atleta de éxito que traballa duro para conseguir o seu soño, pero ademais esfórzase por ser aceptada debido á súa natureza pouco convencional. Acompañada pola súa inseparable adestradora, é a favorita ao podio, pero a súa carreira verase truncada por unha acusación inesperada: a sospeita de ter vantaxe sobre as súas competidoras. A deportista é apartada da competición, non permitíndolle participar na categoría feminina. A súa vida entra nunha encrucillada na que loita por atopar o camiño de saída.