Terra Creative Jam 2024

O Terra Creative Jam xa está aquí!

Este evento creativo e de innovación centrado en achegar solucións e crear oportunidades para o rural terá lugar os días 19 e 20 de outubro na Residencia Universitaria Jesús Bal e Gay do Campus Terra USC.

Obradoiros, workshops e actividades de lecer ocuparán a grella do primeiro día, mentres que durante a segunda xornada se desenvolverá un Hackaton no que as persoas inscritas poderán desenvolver ideas, produtos e servizos co obxectivo de dar resposta a unha serie de desafíos sociais, ambientais e tecnolóxicos.

Os tres prototipos de proxecto mellor avaliados serán premiados cunha praza para todo o equipo na Residencia formativa LOF TALENT e no Programa de emprendento EXPLORER USC, entre outras gratificacións.

O prazo de inscrición para participar neste evento promovido polo Campus Terra a través da Área de Valorización, Transferencia e Emprendemento da Universidade de Santiago de Compostela en colaboración coa incubadora Lug Open Factory, está aberto dende hoxe tanto para equipos como para participantes individuais de ata 35 anos, e remata o día 18 de outubro ás 20.00 horas.

+INFO
https://www.usc.gal/gl/campusterra/novas/evento-innovacion-reinventar-rural-terra-creative-jam-abre-prazo-inscricion-ata-18-outubro?fbclid=IwY2xjawFnMPhleHRuA2FlbQIxMAABHZvBRWZBWNrmkJUSR_snw930lMZYi0S5zkTDoMr-umZEr7gismDKua_0LA_aem_NDu0XJQEI4p3jOrpATB0Gg