Non é bruxería, é ciencia

Sesión de divulgación científica da man de Fatiropina

Aprende ciencia facendo as túas propias pocións da man da bruxa Pinhuxa.

O termo bruxa foi acuñado na Idade Media coa idea de que un ser maligno outorgaba a certas mulleres poderes, fórmulas e artefactos para facer maleficios pero, en realidade, eran as primeiras mulleres con coñecementos de ciencia. Estes non proviñan da maxia, senón da súa propia experiencia e da experimentación con metais, minerais e plantas.

Faremos algún dos esconxuros conservados en vellos papiros exipcios, ou con ingredientes máxicos sacados directamente da botica das bruxas máis reputadas da historia, como o feito con caca de mono e pis de elefante para facer un volcán alucinante.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Fuente: https://www.cultura.gal/gl/evento/114853/13/144794