Feira anual que se celebra durante máis dunha semana no Paseo Central da Alameda, entre finais de abril e a primeira quincena de maio. Alí expóñense e comercializan libros de diferentes editoriais, librerías e organizacións, tanto galegas como do resto de España; que aproveitan estes días para achegar os seus produtos ao público e vendelos a bos prezos. Nesta feira pódese atopar unha gran variedade de libros sobre Santiago e Galicia.
Ademais da exhibición e compra de libros hai unha serie de actividades complementarias: firma de libros por parte de autores coñecidos, sorteos, campañas de promoción da lectura, visitas guiadas, etc.
VIRAL utiliza ricas galletitas (cookies), si sigues navegando aceptas su uso. Saber más.Aceptar