Papyrus

A civilización do antigo Exipto é fascinante, abarca un extenso período de máis de 4.000 anos, e a súa cultura deixou profundas pegadas. Entre as danzas practicadas polos exipcios, podemos destacar as danzas astronómicas, en círculo; as danzas imitativas dos movementos de árbores ou canas arrolados polo vento; as danzas de fertilidade, en roda; as danzas relixiosas e as danzas en honra de deuses como Osiris ou Hathor; danzas rituais funerarias, caracterizadas por palmear rítmicamente as mans e pola posición dos brazos elevados por encima da cabeza; danzas profanas como as danzas de banquetes e as danzas teatrais.

Grandes coreógrafos inspiráronse no universo exipcio para crear obras mestras como A filla do faraón, de Marius Petipa, ou Cleopatra, de Michel Fokine.