Yelowjackets

YelowJackets, lendaria formación estadounidense liderada por Russel Ferrante, membro orixinal daquela primeira formación de finais dos anos setenta chamada The Robben Ford Group capitaneada polo guitarrista Robben Ford xunto a Jimmy Haslip e Ricky Lawson. A súa primeira gravación viu a luz en 1981, «Inside Narrativa» é a mostra de por onde irían os tiros desta banda co punto de mira posto no jazz fusión. Tras a gravación do seu primeiro disco, Robben Ford abandona a banda orientando a súa carreira cara ao rhythm and blues sendo substituído en 1986 polo saxofonista Marc Russo.

Tras varios cambios de formación, Russell Ferrante, Jimmy Haslip, Marc Russo e William Kennedy deixan asentada a aliñación que fará a Yellowjackets ser un dos grupos con máis prestixio do jazz fusión sendo nominados dezasete veces aos premios Grammy, gravando máis dunha vintena de discos e sendo un referente indiscutible dentro da escena do jazz. A formación actual vén dirixida por Russell Ferrante aos teclados e William Kennedy á batería xunto ao saxofonista Bob Mintzer incorporado nos anos noventa e Dane Alderson ao baixo.