Atardecer no Gaiás 2023: Parque svr

Parquesvr é unha banda madrileña con (case ao cento por cento) nome de centro comercial de Leganés. Os seus compoñentes non son novos neste anti-business, xa que forman ou formaron parte de proxectos como Sou Edipo, O Páramo, Fario, Persons ou Cascallo. E á fronte deste selecto colectivo atopamos a Javi ferrara, un frontman entre Ignatius Farray e Javier Gurruchaga, ao que amarás ou odiarás, pero nunca esquecerás.

A medio camiño entre a performance provocativa, o canalleo madrileño e a tradición punk, o son de Parquesvr móvese entre o post punk, o spoken, o stoner e outros xéneros.