Os Xoves da Capela: Grande Amore

Cun Yelmo como portada, Grande Amore lanza o seu primeiro álbum homónimo. 30 minutos de ousadía, desmelene e agridoce relato musical que non pasa desapercibido. Ao máis estilo rock and roll, punk ou como o queira cada un categorizar, o burelense Nuno Pico tráenos un xute estimulante aos nosos oídos.

Nacido en 2019, Grande Amore é o proxecto musical de Nuno Pico. Cantante de Oh! Ayatollah e socio de Ortiga no dúo Os Rastrexadores, Nuno é unha das figuras de referencia da xeración millennial na música pop galega e Grande Amore é a súa explosión artística definitiva.

Na primavera de 2021, Grande Amore publicou o seu primeiro disco, que integra un cancioneiro honesto e visceral nado da vida mesma.