Ataque Escampe

A banda compostelá Ataque Escampe, en colaboración co videógrafo David Silva, presenta este espectáculo audiovisual con música en directo no que, a través de máis dunha ducia de episodios, alternará cancións do seu próximo disco previsto para 2023 con algunhas das pezas máis inexploradas do seu repertorio. Coa música, a proposta visual está atravesada por imaxes que vertebran pasado e futuro, o mundo dos vivos e o mundo dos mortos. Mediante o fío condutor dun vello Mercedes e cunha estética case mística pola que se filtra a realidade, Na noite brillan explora as ideas da reencarnación e da metamorfose a través da vida dunha banda de pop.