Unha inimiga do pobo

A doutora Stockmann, denuncia que as augas do balneario, principal fonte de ingresos da vila, están corrompidas e son un perigo para a saúde. As forzas sociais da vila tentan ocultalo e queda só na súa denuncia, porque a verdade é incómoda para moita xente. Máis aló da anécdota da trama, o que interesa e segue a provocar polémica é a tese contraditoria de que o inimigo máis perigoso da razón e da liberdade pode ser a opinión da maioría. 

Unha obra inmortal sobre a corrupción do poder e a manipulación dos medios ao servizo dese mesmo poder.