DÍAS EUROPEOS DA ARTESANÍA ao redor do Fogar de Reque

A Vicepresidencia da Deputación organiza obradoiros de cestería e demostracións de pintura mural, traballo con pedra e tecido con esparto para celebrar os Días Euroepos da Artesanía

Efrén Castro presentou o programa de actividades que se desenvolverá do 27 de marzo ao 2 de abril en Reque e que pretende dar a coñecer a riqueza e singularidade da artesanía lucense.

O programa contempla obradoiros de cestería orientados ao público en xeral que estarán dirixidos polas artesás Beatriz Valín, Carlos Rubio, Carmen Fieiras,  Idoia Costa e María Folgueira.  Durante a fin de semana, Álvaro Leiro máis enfocada a cesteiras e cesteiros profesionais.

O prazo para as inscricións está aberto desde o 21 ao 24 de marzo. As
persoas interesadas en participar poden solicitalo  a través do enderezo
electrónico lugardereque@deputacionlugo.org, indicando nome, DNI e
contacto.

O programa inclúe tamén demostracións, que non requiren inscrición previa, dirixidas por Doa Ocampo, que desenvolverá un dos seus murais da serie Reforestando; Xabier Quijada que traballará na restauración do forno do Lugar de Reque e Agnes Baldomá, que traballará o tecido con fibras vexetais.

Programa

DÍAS EUROPEOS DA ARTESANÍA  ao redor do Fogar de Reque

OBRADOIROS

Luns, 27 de marzo:
Cesta de lazos con Carmen Fieiras

Martes, 28 de marzo:
Cesta mixta con Beatriz Valín

Mércores, 29 de marzo:
Cesta de láminas de madeira con María Folgueira

Xoves, 30 de marzo:
Cesta de cogumelos con Idoia Cuesta

Venres 31 de marzo
Cesto con asa de pau co Carabel Ecocestos

Sábado e domingo, 1 e 2 de abril
Cestería en espiral con Álvaro Leiro

DEMOSTRACIÓNS

Do 27 de marzo ao 2 de abril - Pintura mural proxecto Reforestando con
Doa Ocampo

Do 29 ao 31 de marzo -  Traballo coa pedra para a restauración con
Xabier Quijada

1 e 2 de abril - Tecido con esparto con Agnes Baldomá