IV Celme de Zanfona 2024

Os cegos cantores, portadores da esencia das m úsicas de tradición desde a Idade Media, son os protagonistas do IV Celme de Zanfona, que se celebra no Centro de Artesanía e Deseño de Lugo do 12 ao 15 de setembro de 2024.

Músicos e investigadores da tradición oral como Anxo Pintos, Miro
Casabella, Iván Abal, Óscar Fernández ou Félix e Castor Castro Vicente
impartirán diferentes clases maxistrais e relatorios sobre o repertorio,
os recursos técnicos e expresivos e o contexto en que se desenvolveron
estes músicos itinerantes ao longo da historia. O programa inclúe  un
espazo destinado a instrumentais emerxentes como María López Carballo ou
Carme Romero Díaz, un concerto de cantos de cegos de Galiza e Portugal e
un espectáculo teatralizado de Quico Cadaval qe recrea a alianza dos
cegos cantores coa arte dos monicreques.

O Celme de Zanfona conta ademais nesta edición cun amplo programa de
actividades complementarias que se desenvolverán ao longo do ano,
artelladas ao redor da exposición Pregos de Cordel: Crimes, Monstros e
Milagres, con materiais e documentos do Arquivo Castro Vicente que
amosan as cualidades formais, editoriais, literarias e relativas a
estampa deste xénero.

As inscricións para participar nas clases maxistrais e nas actividades
pechadas do programa poden realizarse a través do enderezo electronico
celmedezanfona@gmail.com

PROGRAMA:
https://deputacionlugo.gal/sites/deputacionlugo.org/files/inline-files/ProgramaCelme.pdf