XVI Semana do Libro: As palabras perdidas de Inventi Teatro

Comezamos unha nova edición da Semana do Libro, unha semana chea de Libros para Soñar! De luns a venres teremos actividades infantís ás 18.00 h, e ademais poderedes desfrutar da exposición anual elaborada polo alumnado das escolas do
concello. Non perdades nin unha soa cita. 
DESCRICIÓN DA ACTIVIDADE
A Condesa Colorada e o seu axudante Leocadiof son viaxeiros chegados de moi lonxe. A Condesa, unha recoñecida narradora de fama internacional, prepárase para narrar o seu conto
favorito pero, cando abre o libro, dáse conta de que o seu relato está cheo de buracos. Faltan palabras moi importantes, palabras como "ganapán", "vagalume" ou "verme". As palabras fuxiron da historia, borradas pola falta de uso, só volvéndoos a usar volverán á historia. 
PÚBLICO
Actividade dirixida a nenas e nenos de 4 a 8 anos. 
INSCRICIÓNS
Capacidade limitada, con inscrición TELEFÓNICA previa, desde as 10 da mañá, no 981 75 85 80. 
ACCESO
Deberanse seguir as indicacións do persoal bibliotecario á hora de ocupar o
espazo no que se desenvolverá a actividade. Rogamos puntualidade. A biblioteca resérvase o dereito de admisión ás persoas que cheguen unha vez comezados os eventos.
Actividade ofrecida en colaboración coa Asociación Socio-Pedagóxica de Galicia.
Agardámosvos!