O vixiante dos soños (Ubú teatro) | CEIP PLURILINGÜE DO PÁRAMO

O vixiante dos soños (Ubú teatro)
22 DE DECEMBRO | 12:00h	| CEIP PLURILINGÜE DO PÁRAMO

Teatro con monicreque. Público familiar a partir de 3 anos

Sonólicus quere chegar á lúa desde pequeno. Busca no reflexo das pozas e
dos espellos, sube ás caixas amoreadas e aos tellados, e tantos esforzos
fai por conseguilo e tanto estira os brazos cara á lúa, que lle medran
ata a deformidade. O seu empeño semella unha fantasía infantil da que a
nai é testemuño. Unha noite acaba de medrar e, non só acada o seu
obxectivo de acompañar á lúa, senón que se converte para sempre no
vixiante do sono e dos soños infantís.

Autoría: Ana Carreira.
Dirección: José Campanari.
Actrices e titiriteiras: Marga Portomeñe e Ana Carreira.
Duración: 45 min