Duncan de Palleiro (Lîlâ Teatro) | ESPAZO CULTURAL LORENZO VARELA (MONTERROSO)

Duncan de Palleiro (Lîlâ Teatro)
25 DE OUTUBRO | 17:30h | ESPAZO CULTURAL LORENZO VARELA	(MONTERROSO)

Público infantil - familiar a partir de 3 anos.

SINOPSE
Así é como transcorre un día na vida dun can, pero non dun can calquera. Trátase dun can moi especial que pertence a unha raza mítica, lendaria e con moito prestixio: a de Palleiro. Este can é Duncan de Palleiro, o príncipe das corredoiras.
Duncan leva unha vida sinxela á beira do seu amo Aurelio e dos seus amigos, veciñas e rébanos de sempre, nunha pequena aldea no medio das montañas, chamada Oubidos, da que se sente moi fachendoso.
Duncan ama profundamente aos nenos e ás nenas, e alí onde vai leva consigo unha gran sorpresa que non deixa a ninguén indiferente. Amizade, amor e liberdade son as palabra que máis lle gustan a Duncan de Palleiro.
Autoría: obra propia da Compañía.

Dirección: Lîlâ Teatro
Actrices: Lines González e Lara Regueira.
Duración: 60 min.

+INFO: https://www.lilateatro.com/