Proxección do documental sobre saúde mental "Agromantes", dirixido por Cora Peña

Proxección do documental sobre saúde mental:  
“Agromantes” 

 
Dirección: Cora Peña (directora de cine documental) 
Interveñen: Patri Sorey (coprotagonista do documental) e Cora Peña 
Día: mércores, 29 de novembro de 2023 
Hora: 19:30 
Lugar: sala de conferencias da Vicerreitoría do Campus de Pontevedra (Casa das Campás; rúa de Don Filiberto, 9-11) 

 

 
O Ateneo de Pontevedra organiza a proxección do documental sobre saúde mental Agromantes, de Cora Peña.  
Tralo visionado, celebrarase un coloquio coa propia directora Cora Peña e con Patri Sorey, unha das protagonistas do documental.  
O acto terá lugar o vindeiro mércores, 29 de novembro, ás 19:30 horas, na sala de conferencias da Vicerreitoría do Campus de Pontevedra. 
A entrada é libre ata completar capacidade. 

 
Sobre Agromantes 
Un grupo de persoas reúnense para compartir as súas experiencias de loucura e psiquiatrización nun xogo de escenificación improvisada. Entre todas van trazando un debuxo complexo de como se vive nesas condicións de sufrimento psíquico intenso, nun medio que poucas veces responde oportunamente. É un exercicio de relato en primeira persoa atravesado polo humor, a autoconsciencia e unha gran sensibilidade que interpela directamente ao inadvertido espectador. 
•	Título orixinal: Agromantes
•	Ano: 2022
•	Duración: 72 minutos
•	Idioma orixinal: Galego
•	Dirección: Cora Peña
•	Guión: Cora Peña
•	Reparto: Documental
•	Sonido: Jorge Colado
•	Música: Bernardo Martínez
•	Fotografía: Cora Peña, Adrián Van Halten, Pablo Dios 
Trailer Agromantes: https://vimeo.com/717456039 

 
Sobre a directora 
Cora Peña. Formada como comunicadora audiovisual (UCM), estudou tamén cine en Cuba (EICTV), coa especialidade de Dirección de Fotografía. 
A súa actividade profesional, dende as súas primeiras curtas como directora de fotografía, e tras percorrer diferentes roles en todo tipo de producións, foi derivando ao xénero que máis convén á súa natureza: o documental. 
Filmografía. Longametraxes documentais: 
•	Agromantes, 2022
•	Tesouro de Corcoesto, 2015
•	Apash, los de fuera, 2011 

 

 
COLABORA: Vicerreitoría do Campus de Pontevedra.