Monólogo literario "Apatxe", por Isaac Xubín

Monólogo literario:  
“Apatxe” 
 
 
Autor e relator: Isaac Xubín (licenciado en Filoloxía Galega, escritor, tradutor) 
Día: mércores, 8 de maio de 2024 
Hora: 19:30 
Lugar: Sala de conferencias da Vicerreitoría do Campus de Pontevedra (Casa das Campás; rúa de Don Filiberto, 9-11) 
 
 
 
 
O Ateneo de Pontevedra organiza o monólogo literario Apatxe, representado polo filólogo, escritor e tradutor Isaac Xubín.  
O acto terá lugar o vindeiro mércores, 8 de maio, ás 19:30 horas, na sala de conferencias da Vicerreitoría do Campus de Pontevedra. 
A entrada é libre ata completar capacidade. 
 
 
Sinopse 
Apatxe é un relato cheo de decisións e casualidades que narra o percorrido vital do protagonista na procura dunha identidade marcada polas linguas, as viaxes e a literatura. 
 
 
Datos biográficos 
Isaac Xubín. Nado na Coruña no verán de 1978 e residente en Sheffield, Isaac Xubín é poeta, novelista e tradutor. É licenciado en Filoloxía Galega e máster en política e planificación lingüística. Como profesor e investigador escribiu un dicionario Galego-Éuscaro e ensinou Lingua e Cultura galegas na University College Cork. 
A súa obra, en palabras da profesora Ana Acuña, está marcada pola extraterritorialidade, polas viaxes e os estudos que lle ofreceron novas 
linguas e novos labores como tradutor, profesor e investigador. Xa que logo, a súa é unha escrita abocada á reflexión metapoética trala conciencia do retorno imposible e da disolución de fronteiras idiomáticas e culturais. Estes encontros con diferentes realidades lingüísticas e espaciais plásmanse, de forma poética ou narrativa e nunha obra plástica que, dende as ilustracións dos seus volumes, apunta a un novo pé do macrotexto que caracteriza a súa obra. 
 
 
 
 
 
 
COLABORA: Vicerreitoría do Campus de Pontevedra.