Biblioteca Pública de Santiago de Compostela Ánxel Casal
Av. de Xoán XXIII, s/n - Santiago de Compostela Ver web
Celebramos o Día do Teatro cun obradoiro infantil a cargo de Anias
A Impro ou teatro de improvisación é unha forma de facer teatro na que as actrices e os actores crean unha historia no momento, sen un guión preestablecido.
Para facilitar o proceso creativo as pequenas e pequenos participantes deste obradoiro partirán da creación dun monicreque sinxelo co que experimentarán e realizarán exercicios de improvisación grupal para establecer un ambiente de confianza e colaboración que lles permita crear unha historia conxunta baseada nas emocións humanas.
Esta actividade ten como obxectivos estimular a imaxinación e a expresión creativa; fomentar a colaboración e o traballo en equipo e experimentar desenvolvendo diferentes técnicas da improvisación teatral.
No salón de actos. Para 15 nenas e nenos de 6 a 12 anos. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.
Av. de Xoán XXIII, s/n - Santiago de Compostela Ver web
VIRAL utiliza ricas galletitas (cookies), si sigues navegando aceptas su uso. Saber más.Aceptar