Conferencia: "Dolores de Rivas Cherif. O apoio emocional de don Manuel Azaña"

Conferencia: 
“Dolores de Rivas Cherif. O apoio emocional de don Manuel Azaña.” 
- Relator: Buenaventura Aparicio Casado 
- Interveñen: Ángeles Tilve (directora do Museo de Pontevedra) e Buenaventura Aparicio Casado (doutor en Historia, antropólogo, escritor) 
- Día: martes, 22 de outubro de 2024 
- Hora: 19:00 
- Lugar:  área de cristal do Edificio Castelao do Museo de Pontevedra (rúa do Padre Amoedo, 3) 
O Ateneo de Pontevedra organiza a conferencia Dolores de Rivas Cherif. O apoio emocional de don Manuel Azaña, impartida por Buenaventura Aparicio Casado (doutor en Historia, antropólogo, escritor). 
O acto terá lugar o vindeiro martes 22 de outubro, ás 19:00 horas, na área de cristal do Edificio Castelao do Museo de Pontevedra. 
O relator estará acompañado por Ángeles Tilve (directora do Museo de Pontevedra). 
A entrada é libre ata completar capacidade. 
 
 
Sinopse 
As mulleres foron, tradicionalmente, as grandes esquecidas pola Historia. Esta situación está a cambiar, máis aínda fica camiño por percorrer. 
Manuel Azaña, confesaba, xa entrado na trintena, certa sensación de desacougo, de fracaso persoal. Esta inquedanza mudou radicalmente a raíz do seu matrimonio con Dolores de Riva Cherif. Que aportou Dolores a unha personalidade tan complexa como a de Manuel Azaña? Estabilidade, equilibrio emocional. No seu fogar, Azaña disfrutou de paz e tranquilidade, tan necesarias para un home que foi unha figura capital da política española nos anos –non sempre plácidos- da Segunda República. 
Discretamente, Dolores sempre apoiou ao seu marido, nos seus actos e nas súas decisións. E cando chegaron os anos terribles da Guerra Civil e do exilio, alí estaba ela, sufrida, animosa, axudando a Azaña a soportar o calvario final. 
É, pois, de estrita xustiza rendirlle homenaxe a esta muller que, exiliada en México, non quixo retornar a España porque o seu marido, xa falecido, non podería acompañala. 
 
 
Do autor 
Buenaventura Aparicio Casado é mestre e doutor en Historia. A súa tese doutoral versou sobre “El folklore en los yacimientos arqueológicos de Galicia”. 
Foi profesor do IES “Chan do Monte” de Marín e profesor titor nas facultades de Xeografía e Historia e Ciencias Políticas e Socioloxía da UNED en Pontevedra ata a súa xubilación. Fundou e coordinou o Grupo de Investigación “A Laxe da Irena” de Ponte Caldelas. 
As súas investigacións centráronse na arte rupestre e na antropoloxía cultural, estudando a tradición oral, a relixiosidade popular e os aspectos simbólicos da arte rupestre. 
Articulista e conferenciante, impartiu cursos para profesores e participou en diversos congresos. 
Publicou máis de cento corenta traballos –entre eles catorce libros- sobre temas de Arqueoloxía e de Antropoloxía Cultural. 
 
 
COLABORA: 
Museo de Pontevedra.