Curso de ilustración da natureza

Este mes comezamos o Curso de ilustración da natureza, impartido pola debuxante Mariana Roura, no que poderás aprender as bases para debuxar a nosa natureza. O curso contará con catro sesións ó longo do ano: o 28 de maio (debuxando paisaxes), o 25 de xuño (flores e plantas), o 24 de setembro (follas: cores e texturas) e o 29 de outubro (fungos). Podes realizar o curso completo ou as sesións que prefiras. A primeira sesión terá lugar o día 28 de maio, de 10:30 a 14:00 na Casa das Insuas, Rábade.
Prazas limitadas. Inscricións en http://www.custodiadoterritorio.org/actividades. Máis información en custodiadoterritorio@gmail.com ou no 630-94.82.93.
Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.