Revisión histórica da banda deseñada galega: Xaquín Marín e Reimundo Patiño

Miguelanxo Prado e Antón Patiño realizan unha revisión, respectivamente, de Xaquín Marín e Reimundo Patiño, que se poden considerar os autores dos inicios da banda deseñada galega. Os seus relatorios, «Xaquín Marín: viñetas pétreas» e «Reimundo Patiño: viaxe ao futuro», serán o punto de partida para coñecer como nace a aventura do cómic galego e como serve para que aqueles que os sucederon sitúen esta parte da nosa arte nun contexto de actualidade.